🍓Малінаўскі

Фатальная памылка беларускіх хрысьціян

У некаторы размовах зь вернікамі, якія выказваюцца наконт палітыкі сёньня заўважыў адну асаблівасьць: некаторыя зь іх ставіцца да постаці прэзідэнта, як да цара. І рэзонна могуць прыводзіць вось гэтае месца Пісаньня:
1 І вось, перш-наперш прашу ўзносіць малітвы, прашэньні, маленьні, падзякаваньні за ўсіх людзей,
2 за цароў і за ўсіх уладцаў, каб нам весьці жыцьцё ціхае і маўклівае ў богабаязнай пабожнасьці і чысьціні;
3 бо гэта добра і даспадобы Збаўцу нашаму Богу,
4 Які хоча, каб усе людзі ўратаваліся і дасягнулі спазнаньня ісьціны.

Першае да Цімафея 2:1-4.

Вельмі класныя словы, але праблема ў тым, што тут (як і ва ўсёй Бібліі) няма слова “прэзідэнт”. Давайце тады разьбяромся, адкуль у нашай краіне ўзяўся гэты “прэзідэнт”, і хто такія гэтыя “уладцы”, за якіх нам трэба маліцца.

У гэтым нам дапаможа Канстытуцыя Беларусі – галоўны закон нашай краіны. Менавіта Канстытуцыя Беларусі дае вызначэньне, што такое ўлада, і што такое прэзідэнт:

Адзінай крыніцай дзяржаўнай улады і носьбітам суверэнітэту ў Рэспубліцы Беларусь з’яўляецца народ. Народ ажыццяўляе сваю ўладу непасрэдна, праз прадстаўнічыя і іншыя органы ў формах і межах, вызначаных Канстытуцыяй.
Артыкул 3.

Прэзідэнт Рэспублікі Беларусь з’яўляецца Кіраўніком дзяржавы, гарантам Канстытуцыі Рэспублікі Беларусь, правоў і свабод чалавека і грамадзяніна.
Артыкул 79.

Прэзідэнт выбіраецца на пяць гадоў непасрэдна народам Рэспублікі Беларусь на аснове ўсеагульнага, свабоднага, роўнага і прамога выбарчага права пры тайным галасаванні.
Артыкул 81.

Калі казаць прасьцей, то ўлада ў нашай краіне — народ. Прэзідэнт — выбарны наёмны рабочы, якія выконвае шэраг функцыяў у краіне.

Такім чынам мы разабраліся, што прэзідэнт, як і любы чыноўнік — гэта слуга на службе ва ўладара-народа. Цяпер з гэтымі зразумелымі біблейскімі вобразамі мы можам зьвярнуцца да Бібліі.

Вучань ня вышэйшы за настаўніка, і слуга ня вышэйшы за гаспадара свайго.
Паводле Мацьвея 10:24

Гаспадары, аказвайце рабам патрэбнае і справядлівае, ведаючы, што і вы маеце Госпада на нябёсах.
Да Каласянаў 4:1

Ісус нам кажа, што служыцель не можа быць вышэй за сваіх гаспадароў, а апостал Павал заклікае нам рабіць са слугамі справядліва, зважаючы на Бога, які дакладна будзе глядзець, ці належна мы ставімся да нашых паслугачоў.

Я зараз заклікаю кожнага хрысьціяніна-беларуса зазірнуць у сваё сэрца і адказаць сабе на гэтыя пытаньні:

-Ці не сорамна мне будзе перад Хрыстом на Вялікім Судзе за тое, што я ўтрымліваю ў доме, дзе жыву я іншыя людзі такога слугу.

-Ці сапраўды я ведаю і кантралюю усё, што гэты слуга робіць мне і маім бліжнім.

-Ці гатовы я адказваць за ягоныя дзеяньні перад Богам, калі я гэтага слугу падтрымліваю.

Ці можа дзяржава зрабіць бясьпечную АЭС, калі ня можа нават у бясьпечны салют?

Яна нават ня мае мужнасьці паведаміць пра трагедыю.

Уявіце, што б было ў выпадку з АЭС.