Прэса БНР

@bnr1918 Нравится 0

На шляху да стагоддзя
Мы ў ВК: https://vk.com/club156771985
Гео и язык канала
Беларусь, Белорусский
Категория
Образование


Написать автору
Гео канала
Беларусь
Язык канала
Белорусский
Категория
Образование
Добавлен в индекс
21.11.2017 18:26
реклама
Системный подход в инвестировании
Хотите узнать больше? Количество мест ограничено!
Началось!
Острые новости в твоём телеграме
Беларуский Телеграм
Каналы, группы, боты и стикерпаки Беларуси.
244
подписчиков
~0
охват 1 публикации
N/A
дневной охват
N/A
постов в день
N/A
ERR %
0.6
индекс цитирования
Репосты и упоминания канала
24 упоминаний канала
0 упоминаний публикаций
3 репостов
Беларускі піонэр
Беларуский Телеграм
Советский Союз
Беларускі піонэр
Советский Союз
Беларускі піонэр
Дзень Волі 2019 — #БНР101
Беларуский Телеграм
Беларускі піонэр
Дунем, Марцінкевіч?
Кава & какава
Беларуский Телеграм
PALCHYS
Беларуский Телеграм
red wedge
Беларуский Телеграм
Кава & какава
Беларускі піонэр
Беларускі піонэр
Каналы, которые цитирует @bnr1918
Беларусізацыя
Беларусізацыя
Дзень Волі 2019 — #БНР101
Последние публикации
Удалённые
С упоминаниями
Репосты
Прэса БНР 19 Sep 2018, 15:54
Репост из: Беларусізацыя
​​Мінгарвыканкам патлумачыў, чаму не ўсталяваная мемарыяльная дошка на доме, дзе была абвешчаная БНР. У адказе зазначаецца, што ў адрас Мінгарвыканкама паступіў шэраг зваротаў ад грамадзян Беларусі і прадстаўнікоў грамадскасці з негатыўным стаўленнем да пытання ўстаноўкі памятнай дошкі па вуліцы Валадарскага, 9. Пытанне аб мэтазгоднасці прыняцця рашэння Мінгарвыканкама па ўстаноўцы мемарыяльнай дошкі знаходзіцца на разглядзе.

Спадарства, гэта значыць тое, што трэба заваліць Мінгарвыканкам запраўднымі зваротамі, з патрабаваннем усталяваць памятную дошку. Таксама можна патрабаваць, каб вам даслалі папяровы адказ на зварот, няхай у чыноўніка адваліцца рука іх падпісваць. Але вашыя пісьмовыя звароты таксама ня будуць лішнімі. Форма электроннага звароту ў Мінгарвыканкам па спасылцы.
Читать полностью
Прэса БНР 27 Aug 2018, 13:08
Репост из: Беларусізацыя
Яшчэ ня ўсе паспелі купіць новую Нашу Гісторыю, як ARCHE анансавалі наступны нумар, які таксама выйдзе ў фармаце глянцавага часопіса і будзе прысвечаны акту 25 сакавіка 1918 года.
Прэса БНР 27 Apr 2018, 16:45
Менская рэклама 1918 года. Беларускі шлях, 23 красавіка.

Склад пішучых машын, веліцапэдау і канцэлярскіх прыладау на Губэрнаторскай (цяпер Леніна).
Прэса БНР 31 Mar 2018, 20:18
​​БЕЛАРУСКІ ШЛЯХ №8 31.03.1918

✅НЯХАЙ ВАС КВАРТАЛЬНЫ РАССУДЗІЦЬ
Кароткі змест стацці ў "Voss Z." Вядомага нямецкага публіцыста Бернгардта, калі ён разгледзіў досыць акуратна дамаганні літоўцаў, палякаў, беларусаў, украінцаў, латышоў, эстонцаў, балтыйскіх немцаў. Нам гэтыя нацыянальныя справы больш- менш знаёмы. Бернгард глядзіць на іх с пункту выкарыстання іх дзеля германскіх інтарэсаў.

✅ІМПЕРСКАЯ ГЕРМАНІЯ МАЛАЯ ЛІТВА.
Літоўская дэлегацыя выслала з прычыны прызнання незалежнасці Літвы такую тэлеграму: Яго Вялічэству Імператару . Ваша Вялікасць дазволіць Вас наймацней падзякаваць Прэзідэнту і дэлегацыі літоўскай рады, якой сёння імперскі канцлер заведаміў аб прызнанні незалежнасці Літвы. Моцная і Вялікая Германія дала свабоду, цэлыя вякі заціснатаму, літоўскаму народу і прызнала яго незалежнасць.... Я спадзяюся, што Літва як дзяржава хутка закрасуе і яе звязак з Германіяй яе развіццё падтрымае. Вільгельм І. Р.

✅МЕНСКАЕ ЖЫЦЦЁ

✖️Пропускі ў Польшчу, Прыбалтыйскі край і Літву будуць выдавацца афіцэрам, дактарам і чыноўнікам.

✖️Дэтальная выпіска кватэрантаў, як вядома, будзе зроблена на варотах кожнага дому.

✖️С 1 красавіка без службы застаецца па распараджэнню нямецкага начальства: са скарбавай палаты 66 вольнанаёмных служачых канцэлярыстаў і с казначэйства— 16.

✖️Справа бежанцаў. Гэтымі днямі прыязджае з Вільні ў Менск камісія дзеля перагавораў з нямецкім насельніцтвам, каб наладзіць справу пераезду бежанцаў на свае старыя месцы.

http://kamunikat.org/download.php?item=45948-1.pdf&pubref=45948
Читать полностью
Прэса БНР 31 Mar 2018, 19:36
​​БЕЛАРУСКІ ШЛЯХ №7 30.03.1918


✅Вільня, агульная сталіца беларусаў і літоўцаў, с кавалкам нашай віленшчыны як бы аддана Літве, этнаграфічнай— Малой Літве. Вільня патрэбна і нам і літоўцам. Трэба зрабіць Вільню вольным горадам, які будзе палітычным і культурным цэнтрам. Шмат стагоддзяў беларусы і літоўцы жылі разам, згодна і добра, Мы цвёрда верым што так і цяпер будзе. Наша мілае Палессе з Рэчыцай, Пінскам, Лунінцом— ужо пад Украінай. Граніца Палесся ад Украіны 600 вёрст. Яна служыць разам і граніцай міншчыны. Змяняць яе нельга. Эканамічна і палітычна Палессе цягнула заўсёды да Слуцка, Менска.


✅ЧОРНАЕ ЗОЛАТА.
Недалёка ад Мозыра— каля вёсак Макарачы і Лескаўцы, берагі ракі Прыпяць зложаны з тоўшчы сланцовага сухога цвёрдага торфу, найлепшага ў свеце гатунку.


✅МАЛІТВА БЕЖАНЦА-БЕЛАРУСА ДА БОГА. Міхалко Маховенко.

У Слуцку 3 сакавіка пачала выходзіць штодзённая газета "Родны Край". Арганізаваны, пасля таго, як уцяклі бальшавікі са Слуцку, Беларускі Нацыянальны Камітэт хацеў выдаваць газету па-беларуску, але сустрэў вельмі шмат перашкодаў: адна з іх была заява нямецкай камендатуры, што яна не мае адпаведнага цэнзара, які разумеў бы па беларуску. Прыйшлося згадзіцца з тым, што палітычныя артыкулы пісаліся па-руску, а хроніка і літаратурны аддзел можна было пісаць па-беларуску.


✅МЕНСКАЕ ЖЫЦЦЁ

✖️Скарбавая Палата выдала наказ гандлярам і прамыслоўцам зараз жа ўзяць у казначэйстве квіткі і патэнты на 1918 год.

✖️Гарадская Управа маніцца ўвесці падаходны і кватэрны падаткі, каб падмацаваць сваю пустую касу.

✖️З паміж зарэгістраваных салдатаў у воінскага начальніка тыя, што не хочуць ехаць у Расію павінны залічыцца ў нямецкія рабочыя дружыны, дзе ім дадуць кватэру, харч і 1 марку платы. Гэткіх дружыннікаў запісалася ўжо каля 3000 чалавек.

✖️Вываз прадуктаў і тавараў з Менску рознымі спэкулянтамі стаў агалечываць і без таго голы ўжо Менск. Каб спыніць гэта, назначана стража з міліцыі на ўсіх трактах.

✖️20000 пудоў жыта для Менску маняцца на падводах прывесці ў хуткім часе з Бабруйскага павету.

✖️Новыя гарадскія суддзі разам з сакратарыятам абойдуцца гораду 26000 р. Горад падзелены на шэсць участкаў і кожны суддзя будзе мець камеру ў сваім участку.

✖️Рэформа міліцыі пачалася з 28 сакавіка. Чыстка яе пачалася ад камісараў, іх памочнікаў і канчаючы "нізамі" . На чале міліцыі стаў нямецкі паліцмэйстар Огільві.

✖️Крызіс у Народным Сакратарыяце. Як мы чулі ў звязку з абвяшчэннем БНР незалежнай з сакратарыяту мусяць выйсці, не згодныя з гэтай пастановай сакратары: Макрэяў(унутр. спраў), Злобін(вялікарускіх спраў), Белкінд(грашовых спраў), Гутман і яшчэ двое, а якіх,— выясьніцца ў бліжэйшыя дні.

http://kamunikat.org/download.php?item=45947-1.pdf
Читать полностью
Прэса БНР 29 Mar 2018, 20:27
​​БЕЛАРУСКІ ШЛЯХ №6 29.03.1918


✅УСТАЎНАЯ ГРАМАТА РАДЫ БЕЛАРУСКАЙ НАРОДНАЙ РЭСПУБЛІКІ: "Абвешчаючы аб нізалежнасьці Беларускай Народнай Рэспублікі, Рада яе пакладае свае надзеі на тое, што усе любячые волю народы дапомогуць беларускому народу у поунай меры зьдзейсьніць яго палітычна-дзяржауные ідэалы".


✅ІНТЭЛІГЕНТНЫ ГОЛАД
За чатыры гады вайны сталі пустыні ўніверсітэты, семінарыі. Моладзь кінула іх і пайшла на вайну, кожны ведае, што гады вайны трэба выкрасліць з свайго жыцця, як страчаныя. На гэтым трэба падумаць: трэба каб беларусы ахвяравалі астатнюю капейку на стварэнне розных вучыльняў, дзе будуць укладаць у голавы і сэрцы моладзі зерні ведаў, якія як сонца ўзыходзячае, зганяюць, як туман, усё нізкае, непраўдзівае, злоснае з адзічэлых і пакінутых душаў.


✅ВЕСТКІ З КРАЮ.
Заняты нямецкімі войскамі Барысаў, знаходзіцца пад яго аховай і ўладай. Ёсць два нямецкія каменданты,— у Нова-Барысаве і ў Барысаве, з якіх першы выдае жыхарам пропускі ў Менск і ў Расію, а Барысаўскі— ведае грамадскім жыццём павету.


✅МЕНСКАЕ ЖЫЦЦЁ

✖️Усебеларускі з'езд прадстаўнікоў земстваў, гарадоў, зямельных і харчовых камітэтаў, салдатаў, селян, работнікаў, кааператываў, нацыянальных беларускіх радаў і іншых арганізацыяў, які быў разагнаны Менскай бальшавіцкай уладай, даручыў Радзе тварыць арганізацыю грамадзкіх сілаў Беларусі, маючы на мэці яе адраджэнне і дзяржаўнае будаўніцтва.

✖️Дамініканскі касцёл, заснаваны 265 год таму назад, і забраны пад казармы віленскім генерал-губернатарам Мураўёвым у 1869 г. хутка стане ізноў святыняй для католікаў.

✖️Вывеска спісу кватэрантаў пры кожным доме мала дзе яшчэ зроблена, бо немцы на гэта не палажылі ніякага тэрміну. Пры прозвішчы кватэрантаў павінна быць паказана, чым ён займаецца. Гэткія спісы, як мы чулі, маюць сваёй мэтай прымусіць зарэгістравацца ўсіх ваеннаслужачых, а таксама не даць хавацца пад куток дэзерцірам, злодзеям і рабаўнікам.

✖️Галоўная аптэка пры упраўленні М. Р. ж. д. за апошнія часы зусім збяднела на лекарства. Сур'ёзна хворым і лячыцца няма чым і ў шпіталь свой няма магчымасці трапіць, бо яго вывезлі гады два таму назад у Гомель.


✅МАЯ ПЕСНЯ, рэдактар А. Прушынскі, выдавецтва таварыства "Заранка"

http://kamunikat.org/download.php?item=45946-1.pdf&pubref=45946
Читать полностью
Прэса БНР 29 Mar 2018, 20:18
​​Гоман, №26, 29.03.18.

✅ТЭЛЕГРАМА НЯМЕЦКАМУ КАНЦЛЕРУ АД БЕЛАРУСКАГА НАРОДНАГА САКРАТАРЫЯТУ: "Просім пазволіць нашым дэлегатам неўзабаве прыехаць да Берліну дзеля працы ў вырашэнні пытанняў, датчыных беларускіх зямель".

✅АДОЗВА МЕНСКАГА БЕЛАРУСКАГА ПРАДСТАЎНІЦТВА: 9 пунктаў для дасягнення адраджэння беларускага краю.

✅ВЕСТКІ З РАСЕІ: Амерыканскі пасол у Владывастоку купіў увесь расейскі тарговы флот на сібірскім узбярэжжы ёмкасцю на 650 000 тон.

✅Максім Гарэцкі. РУНЬ: працяг.

Поўны выпуск: https://elibrary.mab.lt/bitstream/handle/1/2102/5152-1918-26.pdf
Читать полностью
Прэса БНР 28 Mar 2018, 20:51
​​БЕЛАРУСКІ ШЛЯХ №5 28.03.1918

✅НЕЗАЛЕЖНАСЦЬ БЕЛАРУСІ
25 сакавіка Рада Беларускай Рэспублікі абвесціла незалежнасць Беларусі. Не гледзячы на страшэнную апазіцыю небеларускіх элементаў Рады, беларуская частка яе на гэты раз аказалася нізломнаю. Тое бязвыхаднае становішча, у якім знаходзіцца цяпер наша Бацькаўшчына, скасавала усе розніцы поглядаў між беларусамі. Хто беларус,— той за незалежнасць.

✅БЕЛАСТОК, ГАРОДНЯ, А МО І ВІЛЬНЯ.
А. Р. Піша пра захватныя польскія планы на беларускія землі.
"Ды ў адным нельга сумнявацца, што справа ўніі Польшчы з Літвой і Беларуссю праіграна безпаваротна, і па камандзе з Варшавы, каліб яна нават і ўшчэмілася і перашкаджала нам будаваць уласны дзяржаўны лад, ніякай уніі ні будзе. Лепш нам быць суседзямі палякаў, чымсі мець з німі супольную хату".

✅СКРЫПТЫ ШОВІНІСТА
А. Навадворскі піша пра тое, што на прапазыцыю зробленую ад Менскага паштофа-тэлеграфнага кіраўніцтва польскаму прадстаўніцтву, каб вярнуць толькі частку сумы ўзятай польскімі легіянерамі з пошты, пасля сыходу бальшавікоў, начальнік паштофа-тэлеграфнага акругу атрымаў ад польскага прадстаўніцтва адказ, што прэтэнзіі начальніка акругу прыняты пад увагу і будуць разгледжаны Польскім Урадам пры рэгуляванні ўзаемных стасункаў Урадаў Польскага і Рускага. І ён задаецца пытаннем: "якія адносіны Польскі Урад мае да Менскіх грошаў?"

✅МЕНСКАЕ ЖЫЦЦЁ
✖️Савет Старшын рускага клюбу склікае на 30 сакавіка а 5 гадзіны вечара агульнае сабранне сваіх членаў.
✖️Дэмакратычныя абеды для служачых пры упраўленні Л. Р. ж.д. ва ст. Менск — наладжваюцца зноў.
✖️Шэсць членаў гарадскога харчовага камітэту разам з германскімі вайсковымі чынамі выехалі 25 г. м. па закупкі ў губерні і паветы.
✖️Справа настаўніцкага інстытута — завісла ў паветры. Прыехаўшы із Яраслаўля прадстаўнік інстытуту заявіў камісіі народнай прасветы аб патрэбе як найхутчэй пераводу інстытута ў Менск.
✖️Губернскае земства дало пазваленне хайрусу інжынераў і тэхнікаў адкрыць на Васкрасенскай вуліцы рамонтную майстэрню гаспадарскіх машын.
✖️Земская пошта за згодай паштова-тэлеграфнымі германскімі чыноўнікамі пачне хадзіць с 1 мая.

✅Захар Вехаць. НАДЗЕЯ ГАРОТНІКА.

http://kamunikat.org/download.php?item=45945-1.pdf&pubref=45945
Читать полностью
Прэса БНР 27 Mar 2018, 19:27
​​БЕЛАРУСКІ ШЛЯХ №4 27.03.1918


✅СКРЫПТЫ ШОВІНІСТА
Мы жылі палавінным жыццём, трымаліся ў дзейнасці палавінных спосабаў і мелі сярод сабе агромністы лік поў-палякаў. Час поў-жыцця, поў-спосабоў прамінуў. Цяпер трэба ясна думаць і горача пачуваць, у паступках быць поўным і няўлоўным. Для гэтага трэба мець свядомасць, хто ты і што ты.


✅З. Бядуля. Крыжы


✅ЯШЧЭ АБ НАЦЫЯНАЛЬНАЙ ШКОЛЕ
Наша беларуская інтэлігенцыя, што залічвае сабе то да польскай то да расійскай культуры і цяпер, дзякуючы грамадскай і эканамічнай руйнацыі краю, знаходзіцца ў цяжкім стане ні ведаючы і ні маючы што рабіць,— павінны ў канцы апомніцца.
Перад ёй,— агромністая ніва праўдзівай народнай, нацыянальнай, прасветы і культуры.
Частка інтэлігенцыі, здольная да прасьветнай працы, павінна зараз жа ўзяцца за яе, паставіўшы сабе ідэалам нацыянальную беларускую школу, у якой усе навукі выкладаліся-б па-беларуску і было-б навучанне і чужых моваў.
У пачатковых школах можна было б пачынаць зараз жа ўсё выкладаць па-беларуску. Падручнікі ў нас ёсць, і іх толькі трэба надрукаваць у значную лічбу. Калі ў сярэдняй школе ні можна выкладаць усё па-беларуску, дык прынамсі трэба грунтоўна вучыць усё, што датычыцца беларусаў: гісторыю, геаграфію, жыццё, старую пісьменнасць, цяперашнюю пісьменнасць, народную творчасць. Вышэйшая школа павінна мець катэдру беларусазнаўства, на якой будзе разглядацца мова грунтоўна і навучна.
Праўда што доўгія часы ідэалы той частцы інтэлігенцыі адцягваліся на Кракаў ці Маскву і ні ўсе яе прадстаўнікі здолелі-б адразу ўзяцца за навучанне, але была-б толькі ахвота! Трэба самім вучыцца і працаваць разам, каб такім парадкам будучыя пакаленні ні ведалі ганебнага чужацтва ўласнаму народу.
А. Данілевіч.


✅МЕНСКАЕ ЖЫЦЦЁ

✖️Школьная камісія пры гарадской управе адчыняе дзьве безплатныя агульнанавуковыя школы, куды будуць прымацца дзяўчаты і хлопцы ад 16 гадоў.

✖️Беспрацоўныя інтэлігентны арганізавалі механічную і аграрную арцелі. Земства мае даць гаспадарскія машыны і кавалак зямлі пад агароды, а гарадская ўправа— насенне і таксама зямлю.

✖️Пазычковая каса Л.-Р. ж.д. на выпадак ліквідацыі ўсіх аддзелаў упраўлення спешна ўзялася за падлік усіх вычытаў, укладаў і іншых падрахункаў служачых.

✖️Упраўленне Л.-Р. ж.д. па апошнім чуткам маняцца перавесьці ў Гомель. Немцы на гэта згаджаюцца і нават выдалі пазваленне агентам дарагі паехаць на поўдня купіць харчы для служачых упраўлення.

✖️Сіроцкі суд, які бальшавікі маніліся ў апошні час разагнаць, ізноў узяўся за сваю працу. Цяпер ён належыць да цывільнага аддзелу Гар. Управы.

✖️Губернскае земства арганізуе кніжныя склады для сялянскіх школ і бібліятэкі для настаўнікаў.

✖️Наша рэчка спрабавала выступіць са сваіх берагоў, але не паспела яшчэ шкоды нарабіць, як мароз зноў уціснуў яе на сваё месца.

http://kamunikat.org/download.php?item=45944-1.pdf&pubref=45944
Читать полностью
Прэса БНР 26 Mar 2018, 20:18
​​Гоман, №25, 26.03.18.

✅НЕЗАЛЕЖНАСЦЬ ЛІТВЫ: Нямецкі канцлер ад імя Імператара прызнаў Літву свабоднай і незалежнай дзяржавай на аснове заявы Літоўскай Краёвай Рады ад 11.12.17.

✅АД РЭДАКЦЫІ: "І вось, калі група менскай інтэлігенцыі звярнулася да Нямеччыны з просьбай аб помачы ў будаванні незалежнай Беларускай дзяржавы, яны атрымалі адказ, што Нямеччына не можа памагчы беларусам, бо звязана мірнай умовай з Расеяй. Гэтак перад беларусамі ўстае вялікая небяспека: яны могуць на доўгія часы аказацца раздзеленымі".

✅Прэзідыум Беларускай Рады ў Вільні паслаў Імперскаму Канцлеру гэткую тэлеграму: "Беларуская Рада лічыць сваей святой павіннасцю заявіць самы катэгарычны пратэст проці гэткага гібельнага для цяперашчыны і будучыны больш чым 10-мільённага беларускага народу праекту раздзелу Беларусі і аддачы Польшчы чыста беларускіх зямель - Меншчыны, Гродзеншчыны і Беласточчыны".

✅ЭКАНАМІЧНАЕ ПАЛАЖЭННЕ БЕЛАРУСІ Ў ЗВЯЗІ З ЯЕ ПАЛІТЫЧНАЙ АРЫЕНТАЦЫЯЙ: працяг

✅"БЕЛАСТОК, ГАРОДНЯ, А МО' І ВІЛЬНЯ..." "Яшчэ не абсохла пяро, каторым мы пісалі пратэст проціў польскіх захватных планаў на Смаленшчыну, а ўжо прыходзіцца сказаць сваё слова аб іншай падобнай справе..."

✅Максім Гарэцкі. РУНЬ: працяг

Поўны выпуск: https://elibrary.mab.lt/bitstream/handle/1/2102/5152-1918-25.pdf
Читать полностью
Прэса БНР 26 Mar 2018, 09:18
БЕЛАРУСКІ ШЛЯХ №3, 26.03.1918

Старшынёй выканкаму Рады 1-га Ўсебеларускага З'езду ад імені Выканаўчага Камітэту і народнага Сакратарыяту Беларускай Рэспублікі была адбіта дэпеша гр. Гэртлінгу, у якой выказваўся пратэст супраць згоды на ўступку Польшчы беларускіх зямель, якую гатова даць большасць германскага Рэйхстагу. С той жа прычыны звярнулася с тэлеграмамі да канцлера, галоўнай камісіі Рэйхстагу і да акупацыйнай германскай улады ў Коўна і Менскае Беларускае Прадстаўніцтва, якое заявіла аб бажанні цэлакупнага жыцця і нізатежнага дзяржаўнага існавання беларускага народу, апіраючыся на заходнюю культуру.

За ўсе часы вайны і рэвалюцыі гэта можа першы выпадак толькі, што голас Беларускага народу пачуўся за рубяжамі Расіі. Гаварылі аб паляках, аб украінцах, Ліцве, Курляндзіі і інш., а аб нас нічога, хаця беларусы аб сабе не маўчалі. Гэта і сталася прычынай, што факт пасылкі дэпешы частка германскай прэсы ацаніла, як крыху прыпознены, з'явіўшыся пасля таго, як немцам завязаліся рукі мірным дагаворам у Берасце.

Афіцыйнага адказу на тэлеграму пакуль што няма і невядома які будзе. Можа і Ўрад германскі і Рэйхстаг так сама адкажа нам, што: «крыху за позна».

Гэта аднак не павінна зацемняць нашай надзеі, або адбівацца на нашых бажаннях. Праўда, нас позна пачулі і гэта шкодзіць беларускай нацыянальна-дзяржаўнай справе. Але добра і тое, што нас усё ж такі пачулі! Цяпер мы павінны старацца, каб аб нас заўсёды помнілі і тады наша святая справа затрыўмфуе, не зважаючы нават на Берасцейскі акт, якім Троцкі акрывавіў наша нацыянальнае цела.

Рэдактарскі сон. (паэма ні паэма, а нешта «на кшталт таго») Сальвэсь.
http://kamunikat.org/download.php?item=45943-1.pdf
Читать полностью
Прэса БНР 25 Mar 2018, 19:18
БЕЛАРУСКІ ШЛЯХ №2, 25.03.1918

Сталае самадзяржаўе ўлезла ў вайну. Вайна выказала банкруцтва ўсей сістэмы. Шэрыя героі засцілалі зямлю трупамі; здрада і прэдацельства вылезлі, як шыла з мешка. Ахвяры крывавыя народу, як бывалі для каго то чортавым жартам, спосабам зрабіць карьеру, хапнуць грошы. Цара і «вернікаў» ставілі прычынай бяды і нешчаслівай вайны, якой не было відаць канца. Іх скінулі досыць лёгка, як непатрэбны дадатак. Народ ад свабоды, якая так неспадзявана дасталася яму ў агромнай прапорцыі, спачатку яшчэ помніў аб абавязку да дзяржавы і хацеў як найхутчэй адчапіцца ад мук вайны спосабам перамогі.

ПАСЛЯ ВАЙНЫ.

Збураных вайной вясковых хат каля 200 тысяч, а з мястэчкамі і гарадамі яшчэ больш.

Вайна кончылася, мільёны бежанцаў прыдуць на свае пажарышчы. Трэба зрабіць якую небудзь хату. Лясоў, трэба лічыць, бадай мала засталося. А трэба, каб была якая страха над пакутнай галавой.

Гібель дрэва ўсажана ў акопы. 600 вёрст фронту на Беларусі акопаў у дзесяць радоў. Часць дрэва струхнела, але яно пойдзе на выпалку цэглы.

Цэлыя мільёны пудоў калючага дроту наблытана на фронце. Гэты дрот павінны перадаць бежанцам, сабраўшы і калы: бяз плоту не можа абысціся гаспадарка.

І цяпер ужо спыненне фабрык, якія працавалі на вайну і разруха эканамічная, выкінула мільёны людзей на брук і голад. Трэба зараз жа арганізаваць работы па разборцы фронту і сістэматызацыі матэрыялу.

ВЕСТКІ З РАСІІ.

Савецкія ўлады пагадзіліся з урадам Кітаю ў справе ўрэгулявання пытання аб рубяжах.

Маскоўскі Патрыярх Ціхан с прычыны бальшавіцкага ціску на духавенства склікаў усе-духоўны кангрэс у Маскве дзеля ўстанаўлення становішча царквы да савецкага праўлення.

Савецкі ўрад аб'явіў сацыялізацыю гандлёвага флоту. Усе гандлёвыя караблі лічацца ўласнасцю ўсяго народу.

Ленін распарадзіўся, каб пачтоватэлеграфічных служачых, якія бесперапынна працуюць на дзяржаву, лічыць спаўняючымі абавязковую «трудовую повинность» і не назначаць ні на якія іншыя работы.

МІНСКАЕ ЖЫЦЦЁ.

19-га сакавіка адбыўся першы сход Мінскага Беларускага выдавецкага Таварыства на веры "Заранка". Мэты "Заранкі": друкаванне школьных падручнікаў і іншых кніжак у беларускай мове, а так сама перыядычных выданняў.

Пытанне аб нявыплаце пенсіі афіцыялістам застаецца пакуль што адным з вастрэйшых пытанняў на дзённым парадку. Асабліваю цікавасць гэта мае для вялікага штату работнікаў пры б. упраўленню начальніка дарожных работ пры Х арміі. Вялікая лічба іх, не атрымаўшы пенсіі ад студзеня месяцу. Цяпер для іх амаль ні прапала ўсякая надзея атрымаць калі небудзь заробленыя грошы.

Царкоўшчына-парафіяльныя школы яшчэ пры бальшавіках пачалі пераходзіць пад апеку органаў самакіравання мясцовых і земскіх управаў.

З Віцебшчыны. Як паведамляе газета Віцебскі Лісток ад 8 сакавіка Ў Полацкім І Дзвінскім паветах сяляне працівяцца нямецкім конным аддзелам, якія ўводзячы парадак, варочаюцца на месцы валасных старшынаў.

http://kamunikat.org/download.php?item=45942-1.pdf
Читать полностью
Прэса БНР 22 Mar 2018, 20:18
​​Гоман, №24, 22.03.18.

✅"Berliner Tageblatt" піша аб просьбе аб помачы, с каторай менскае беларускае прадстаўніцтва звярнулася да Нямеччыны: "Імперскі ўрад стаіць на тым становішчы, што гэткая помач немагчыма, бо пры падпісанні міра ў Брэст-Літоўску ён цвёрда абязаўся не паддзержываць ніякіх сепаратных тэндэнцый у новых вялікарасейскіх граніцах".

✅Антон Луцкевіч. ІГНАТ БУЙНІЦКІ: пасмертны ўспамін.

✅Францішак Аляхновіч. ВЕРБНАЯ НЯДЗЕЛЯ: "У нас не растуць ні пальмы, ні багатыя хараством кветкі палудня; сонца шмат дзён у гаду ледзь-ледзь выгляне з-за хмар... Не кветкі, не пальмовыя галіны зрывае ў гэты дзень рука беларуса: ён ламае маладыя галінкі ўбогай вярбы..."

✅Максім Гарэцкі. АНТОН: абразы жыцця.

Поўны выпуск: https://elibrary.mab.lt/bitstream/handle/1/2102/5152-1918-24B.pdf
Читать полностью
Прэса БНР 19 Mar 2018, 20:18
​​Гоман, №23, 19.03.18.

✅Адозва Беларускага Народнага Камітэту у Менску: "Усе прэтэнзіі палякаў на часці гродзенскай і віленскай губерній мы безумоўна адкідаем, як беспраўныя захватныя дамаганні".

✅Ад рэдакцыі: "Толькі цяпер дайшлі да нас першыя пэўныя весткі аб жыцці нашых братоў-беларусаў, каторыя паўтрэця году былі ад нас аддзелены лініяй ваеннага фронту. Як наша, так і іх палітычная работа ішла і йдзе той жа дарогай".

✅БЕЛАРУСКІЯ ГАЗЕТЫ Ў МЕНСКУ БЕЛАРУСКІМ: Агляд прэсы.

✅Антон Луцкевіч. НЯМЕЦКА-ПОЛЬСКАЙ ПРАГРАМА УГОДЫ: "Дагэтуль, дамагаючыся прылучэння да Польшчы Беларускіх зямель, палякі свае воўчыя апетыты стараліся прыкрыць і прыхарошыць гутаркамі аб узаемнай патрэбе федэрацыі Польшчы, Беларусі і Літвы. Цяпер польскія палітыкі адкінулі фігавы лісток: яны ў перагаворах з нямецкай парламенцкай большасцю нават не ўспамінаюць і імі Беларусі, называючы наш край проста "заходняй Расеей".

✅ВЕСТКІ З РАСЕІ:

✖️16 марца ўсерасейскі кангрэс у Маскве пацвярдзіў мірную ўмову між Расеяй і цэнтральнымі дзяржавамі, падпісаную 2 марца ў Брэст-Літоўску.

✖️Кажуць, што з паддзержкай Мілюкова і Гучкова пад камандай Аляксеева ўтварылася новая армія, каторая з Новачаркаску маніцца выступіць супраць бальшавікоў.

✖️Японскія матросы занялі дом губернскага ўраду ў Владывастоку. Камендант Владыкаўкаскага порту генерал Дунбудко налажыў на сябе рукі. Сенат Злучаных Штатаў заняў становішча проці трывалай акупацыі Сібіру Японіяй.

✅Максім Гарэцкі. АНТОН: абразы жыцця.

Поўны выпуск: https://elibrary.mab.lt/bitstream/handle/1/2102/5152-1918-23B.pdf
Читать полностью
Прэса БНР 15 Mar 2018, 20:18
​​Гоман, №22, 15.03.18.

✅Адам Станкевіч. А. СМЕТОНА АБ ЛІТОЎСКАЙ СПРАВЕ: "Старшыня Літоўскай Тарыбы цвёрда заяўляе, што літвіны ніколі не адракуцца ад Вільні. Чаму ж ні слова няма аб беларусах, каторыя на ўсход і на палудзень ад Вільні сядзяць на раллі густой масай?"

✅ВЕСТКІ З РАСЕІ:

✖️У Казані ўзняліся крывавыя бітвы між бальшавікамі і жыхарамі места, арганізаваўшымі самаабарону. Чысло забітых больш за 700. Бітвы дагэтуль не далі нікому перавагі.

✖️Японцы ўчынілі ўжо тэхнічныя прыгатаванні дзеля паходу ў Сібір. Расейскія войскі ў Манджурыі пастанавілі ісці проці ўраду народных камісараў.

✖️Быўшый начальнік чорнаморскага флоту, адмірал Колчак, знаходзіцца ў Пекіне і вядзе перагаворы з чысленнымі расейскімі эмігрантамі.

✅Максім Гарэцкі. АНТОН: абразы жыцця.

Поўны выпуск: https://elibrary.mab.lt/bitstream/handle/1/2102/5152-1918-22B.pdf
Читать полностью
Прэса БНР 13 Mar 2018, 09:18
​​Гоман, №21, 13.03.18.

✅БЕЛАРУСКАЯ СПРАВА: Толькі цяпер апавешчана тая лінія, каторая, згодна з мірнай умовай між цэнтральнымі дзяржавамі і Расеяй, павінна разрэзаць наш край на дзве часці. Землі на заход ад гэтай лініі маюць быць устроены Нямеччынай і Аўстрыяй у згодзе з іх жыхарамі. Другая часць нашага краю - на ўсход ад яе - мае аставацца да агульнага міра і поўнай дэмабілізацыі Расеі пад нямецкай акупацыяй. Трэба адзначыць, што ў гэты момант бадай усе Беларускія землі аказаліся ў складзе тэй другой часці. Але ў мірнай умове няма ніякага намёку на тое, што далей станецца з тэй часцю Беларусі".

✅ВЕСТКІ З РАСЕІ:

✖️Пецярбургская рада раб. і салд. прыняла брэсцкі мір. Пануе вялікае абурэнне проці Леніна і Троцкага, каторых вінавацяць у тым, што яны, зацягіваючы перагаворы, давялі да ўтраты Расеяй вялікіх абшараў. Газета Правда даводзіць, што ў гэтым вінават стары ўрад. Троцкі пакінуў становішча наркама замежных спраў.

✖️Аканчацельна пастаноўлена заняцце Японіяй Манджурыі і Сібіру. Разам з японцамі выступіць дывізія, зложаная з расейскіх салдатаў, верных саюзнікам.

✅УКРАІНА:

✖️У найбліжэйшых днях адбудзецца заседанне ўкраінскай рады дзеля пацвярджэння брэсцкай умовы аб міры. У Кіеве пачаліся мірныя перагаворы між Украінай і Вялікарусіяй.

✖️Рада бальшавікоў у Адэсе разыйшлася. Члены яе выехалі ў Харкаў. Уласць узялі ў свае рукі ўкраінцы і завялі лад у горадзе. Перад уцёкамі бальшавікі абрабавалі Адэсу.

✅Францішак Аляхновіч. БАЗЫЛІШК: казка ў 3 актах.

Поўны выпуск: https://elibrary.mab.lt/bitstream/handle/1/2102/5152-1918-21.pdf
Читать полностью
Прэса БНР 8 Mar 2018, 19:26
МІНСКАЕ БЕЛАРУСКАЕ ПРЕДСТАУНІЦТВО.

25 лютага састоялася сабранне беларусаў— прадстаўнікоў ад усіх слаёў насялення. У гэтым сабранні выбраны з 9 чалавек камітэт пад назвай: „Мінскае Беларускае Прадстаўніцтва“. —Камітэт мае за заданне прадстаўляць інтарэсы беларускага народу, і быць нацыянальным цэнтрам, куды за ўсялякімі спраўкамі маюць зварачывацца ўсе, каму дорага незалежнасць Беларусі, культура і самабыцце беларускага народу.—У камітэт увайшлі: пратаярэй Кульчыцкі, генерал Кандратовіч, ксёндз Гадлеўскі, Скірмунт, Уласаў, Аляксюк, Чаўсоў, Земкевіч і Русецкі.

Поўны выпуск: http://kamunikat.org/download.php?item=45941-1.pdf
Читать полностью
Прэса БНР 8 Mar 2018, 19:18
​​БЕЛАРУСКІ ШЛЯХ №1, 8 сакавіка 1918 г.


✅Ад рэдакцыі:
„Беларускі шлях“ ставіць сабе мэтай: незалежнасць Беларусі, нацыянальная еднасць і арганізацыя, развіццё беларускай духоўнай і матэрыяльнай культуры.

Цяжка і доўга пакутаваў народ наш пад уладай маскоўскага салоджанага ўраду. Уся праца дзяржаўнай машыны кіравалася так, каб трымаць яго ў цемнаце, у марноці, на самым доле супольнага будынку. Розум народу, мозг народу, яго ўласнае дзіця—інтэлігенцыя, тая, што хацела і магла служыць яму на карысць —бязлітасна разлучалася з ім хітрымі, хцівымі апекунамі. З рэвалюцыяй настаў, здалося, момант, калі інтэлігенцкія здолее вольна прыйсці к народу і ахвяраваць яму свае сілы, а к трону яго, як свой сыноў дар, злажыць усю суму навукі і засведчання, якую назбірала ў часы бяспраўя.


✅Хто будзе плаціць расходы вайны?
Як відаць з дагавора памеж Украінай і Германіяй расейскіе расходы на вайну будуць падзелены памеж усімі абласцямі, не гледячы ці астаюцца яны з Расеей ці не. На Беларусь выпадае з гэтага вясёлага спадку мільярдаў 6, хваце і на ўнукоў. Трэба будзе заплаціць беларускую часць за страты прыватных людзей у Галіцыі і Усходней Прусіі, каторыя збураны не па міжнароднаму праву. 600 вер. фронту на Беларусі, нашы лясочкі, каторыя вылецелі дымам, бежанцы ўсё гэта зроблена па расейскаму праву, значыць няма с каго і шукаць. Ні на якім кангрэсе аб гэтым ні гаварылі; толькі п. Троцкі, калі чакалі наступленне Германіі на Міншчыну, сказаў, што прыфрантавая паласа так аграблены рускімі салдатамі, што Германія тут калі і наступіць, то ні пажывіцца.

Паны дзяруцца, а ў мужыкоў косці трашчаць!

Трэба беларусам злучацца, каб была стройна арганізаваная нацыя, тады і голас яе пачуюць. Можа дачакаемся часу, што нас перастануць смаліць, паліць і разганяць.


✅Збурэнная Беларусь.
600 вёрст фронту вайны праходзілі на Беларусі. 1726066 бежанцаў беларусаў бадзяюцца на ўсей Расеі. Трэба дапусціць, што каля 200000 хат трэба адбудаваць панову і завесці гаспадарку. Каб адбудаваць і завясці ўсё, ніякіх не хваціць сіл. Трэба міжнародная дапамога грашовая, адміністратіўна-тэхнічная.


✅Думкі. Народ і інтэлігенцыя.
Нацыянальны рух—справа культурнага парадку. Простаму, паспалітаму народу цяжка зразумець, дзеля чаго гэты нацыянальны рух, на што яму тая мова, с каторае кпяць і смяюцца.

Нацыянальнае адраджэнне—справа культурнага разумення. У справе нацыянальнага адраджэння патрэбна разуменне цэлага, а не частковага. Тут трэба ахапіць тое, што колісь будзе, што свяціцца ў далёкай будучыні, а ні дыміцца ў сучаснасці. Трэба любіць дальняга, а ні бліжняга, і быць закаханым у цэлае, а ні частковае. Трэба меркавацца с творчасцю, а ні працавітасцю.

Зусім справядліва, што і без нацыянальнага адраджэння паспаліты народ можна зрабіць сытым і давальным. Але ні адным хлебам жыў бывае чалавек. Аддаўшы ўшанаванне целу перад духам, мы чынім гвалт над натураю. Занядбаны дух засумуе смяртэльна і знішчыць і цела.


✅Разруха і раздзел Расеі.
Велізарны арганізм Расеі якая была імперыяй, збітай жалезнымі абручамі цэнтралістычнага царызму, разгніўся і развальваецца. Цёмныя грамады, „вуліцы“ і салдаты захапілі каманду. Ідець нейкая пугачоўшчына.

Самыя культурныя і багатыя краіны Прыбалтыйскі край, Беларусь, Украіна страчаны, Што робяць саветы?

—Яны ўзялі г. Новачэркаск. Заўтра японцы з Амерыкай зоймуць Сібір. Камісары народныя, зоймуць з боем Саратаў!

Зніштажаюць і ловяць контррэвалюцыю!

Усё гэта вельмі цяжка чытаць, бо пры гэтым льецца братняя кроў і ідуць грабяжы, мільёны лецяць дымам.

Па ўсей Расеі чуваць перадсмяротныя хрыпы,

Банды цёмных, азвярэўшых людзей паджываюцца павадырамі, Камісарамі, фанатыкамі, с перакручанымі мазгамі; усё гэта робіцца ва імя… сацыялізму.

Ва ўсей Еўропе сацыялісты са страхам глядзяць, як закідваюць балотам і кроўю высокія ідэі сацыялізму, надзею і ўздыханне ўсех працуючых і потам і здароўем сваім, стараючых багацце для другіх.


✅Нацыянальная школа.
Усе народы, якія жывуць асобным культурным жыццём, маюць свае нацыянальныя школы. Адны мы, беларусы, да гэтага часу ні мелі сваёй школы і толькі цяпер пачынаем будаваць яе. …
Читать полностью
Прэса БНР 5 Mar 2018, 19:18
​​Гоман, №19, 05.03.18

✅МІР З РАСЕЯЙ: 3 сакавіка а 5 гадзіне па абедзе падпісан мір з Расеяй.

✅Ад рэдакцыі. АБ БЕЛАСТОЧЧЫНЕ: "Ад самага пачатку нямецкай акупацыі беларусы з гэтага боку фронту вядуць барацьбу з польскімі захватнымі апетытамі на беларускія землі".

✅Антон Луцкевіч. "ПАЎНОЧНЫЯ БАЛКАНЫ": "Нацыянальныя і жыццёвыя інтарэсы і гістарычныя традыцыі злучаюць беларускі і літоўскі народы ў вадно. Вось жа развязка пытання аб незалежнасці Беларусі і Літвы напрашываецца сама сабой: утварэнне дуалістычнай дзяржавы, зложанай з дзвюх аўтаномных нацыянальных тэрыторый з адной найвышэйшай цэнтральнай уласцю".

✅Антон Луцкевіч. СЛУЦАК: гістарычны нарыс.

✅ВЕСТКІ З РАСЕІ: Нязгодлівасць між бальшавікамі ўзрастае. Пецярбургская рада раб. і салд. - проці міра і за далейшую вайну.

✅УКРАІНА: Украінскае духавенства адмаўляецца прызнаць нядаўна выбранага ў Маскве патрыярха.

✅Францішак Аляхновіч. БАЗЫЛІШК: казка ў 3 актах.

Поўны выпуск: https://elibrary.mab.lt/bitstream/handle/1/2102/5152-1918-19B.pdf
Читать полностью
Прэса БНР 4 Mar 2018, 18:53