akvieduk

ці заўважалі вы - гараджане на станцыях і прыпынках выходзяць з транспарту неверагодна па-рознаму. хтосьці правярае кішэні, хтосьці глядзіць у паперу, хтосьці аглядаецца - і ўсё гэта частка аднаго і таго ж дзеяння, якое выводзіць з транспарту ў горад. давайце паназіраем у новым відэа:

https://youtu.be/-tKwmt8GODM

P.S. візуальная гарадская антрапалогія, даследаванне паводзінаў, звычак і традыцый гараджан, можа быць карыснай як для разумення горада, так і для планавання зменаў гарадскога дызайна, структуры і функцыянавання. а часам проста цікава назіраць ?

#відэа #дэталі #транспарт

знак-здань (ghost sign) - выведзены ручной тыпаграфікай надпіс на сцяне, які не сцёрся/не быў зафарбаваны за шмат гадоў. больш за ўсё знакаў-зданяў адносяцца да дзевятнаццатага-сярэдзіны дваццатага стагоддзя. на іх звычайна - ці рэклама, ці назвы ўстановаў, якія месціліся ў будынку калі надпіс наносіўся. знакі-здані - яшчэ адзін элемент гарадской шматслойнасці і напаўнення горада вобразамі.

#шматслойнасць #гісторыя #дэталі

прыклад псіхагеаграфіі ў сучаснай Беларусі - mmmmapa.by. яна цікавая не столькі тым, што яе можна калектыўна расфарбоўваць - адметна тое, што гэта не дакладная мапа, а зборнік асацыяцыяў і гарадскіх вобразаў. мапа прамалёўвае культавыя мясціны, абыходзячы тое, што не кідаецца ў вочы, калі ідзёш па горадзе. больш за тое, яна далучае да месцаў асацыяцыі і персанажаў. на фестывальна-тусовачнай Кастрычніцкай - карнавальшчыца, у дварах за Плошчай перамогі (якія запомніліся з-за Ў, Падземкі і не толькі) нясуць карціну, ля акадэміі МУС - аўтазак, а па ўзберажжы Свіслачы - бегуны. гэтая мапа псіхагеаграфічна адлюстроўвае тое, як яе аўтары бачаць Мінск і з якімі вобразамі ў іх асацыююцца розныя яго месцы.


#праекты #мапы

калісьці на канале была нататка пра пасляваенную перабудову Менска. калі табе цікавы Мінск і тое, як ён выглядаў тады, калі яго новы вобраз толькі пачаў складацца - абавязкова паглядзі гэтую дакументалку. так, ідэалізаваную і ангажаваную, але прыгожую і адметную

#гісторыя #відэа

гарадскія даследаванні закранаюць і соцыум. у віктарыянскім Лондане, найвялікшым на той час горадзе планеты, уплывовым даследчыкам быў Чарльз Бут. ён з камандай абышоў літаральна кожны дом мегаполіса і склаў унікальную мапу беднасці, пазначаючы пры гэтым шмат цікавостак пра лонданцаў, пра супольнасці эмігрантаў, пра маргінальныя групы - і не толькі. рэзультат уражвае - можна комплексна агледзець горад і зразумець, як у ім ужываліся багатыя і бедныя раёны, дзе насельніцтва было змяшаным, дзе і што знаходзілі даследчыкі і на што было падобным жыццё горада ў той час.

гэтыя даследаванні сёння дасяжныя ў зручнай інтэрактыўнай форме на сайце https://booth.lse.ac.uk - там можна тэзісна пабачыць і асноўныя высновы, і доўга разглядаць дасканалую мапу сацыяльных класаў, і чытаць далучаныя да геалакацыі нататнікі даследчыкаў. неверагодна якасная і цікавая рэч!


#гісторыя #асобы

?новы сезон?⠀⠀⠀⠀⠀⠀⠀⠀⠀⠀⠀⠀
⠀⠀⠀⠀⠀⠀⠀⠀⠀⠀⠀⠀⠀⠀⠀
2019 для канала - год даследаванняў і дэталяў. асноўны фокус будзе на мікрасупольнасцях - і на тым, як яны фарміруюць горад.

? будзе шмат пра тое, як функцыянуе квартал, вуліца, раён і нават пад'езд.

? даследуем, як сучасныя тэхналогіі развіваюць новы тып гараджаніна

? разгледзім структуру горада і тое, як яна ўплывае на людзей

а галоўнае - паспрабуем зразумець, як з дапамогай гэтых і многіх іншых ведаў рабіць беларускія гарады лепей