Нацыянальны Банк Вейшнорыі

@Viejsnoryja Нравится 0
Это ваш канал? Подтвердите владение для дополнительных возможностей

Афіцыйны канал Нацыянальнага Банка Вейшнорыі
Гео и язык канала
Беларусь, Русский
Категория
Экономика


Гео канала
Беларусь
Язык канала
Русский
Категория
Экономика
Добавлен в индекс
09.04.2018 00:55
2 Feb 2018, 22:58 (654 дня назад)
1 TALER

19.IX.1991 АБВЯШЧЭННЕ НАЗВЫ РЭСПУБЛІКІ БЕЛАРУСЬ І ЎВЯДЗЕННЕ ДЗЯРЖАЎНЫХ СІМВАЛАЎ КРАІНЫ.

Гэта другая манета з серыі "Мая краiна Беларусь" і прысвечана напэўна самай знамянальнай даце ў гісторыі Беларусі - абвяшчэнне незалежнасці Рэспублікі Беларусь.
27 ліпеня 1990 года Вярхоўная Рада Беларускай Савецкай Сацыялістычнай Рэспублікі прыняла Дэкларацыю пра дзяржаўны суверэнітэт. Яна абвясціла поўны дзяржаўны суверэнітэт БССР — вяршэнства, самастойнасць і паўнату дзяржаўнай улады рэспублікі ў межах яе тэрыторыі, правамоцтва яе законаў і незалежнасць у вонкавых адносінах.
25 жніўня 1991 года Дэкларацыя атрымала статут канстытуцыйнага закона, на падставе якога былі занесены змены і дадаткі ў Канстытуцыю БССР 1978 года.
19 верасня 1991 года Вярхоўная Рада БССР прыняла закон пра назву рэспублікі, у адпаведнасці з якім яна стала называцца Рэспублікай Беларусь. Была ўведзена новая дзяржаўная сімволіка - бела-чырвона-белы сцяг і герб «Пагоня».
8 снежня 1991 года ў Віскулях (Брэсцкая вобласць) кіраўнікі Беларусі, Расіі і Ўкраіны дэнансавалі дамову 1922 г. пра ўтварэнне СССР.

Аверс манеты:
У сярэдзіне манеты адлюстраваны герб "Пагоня" версіі 1991 года ў стылізаваным тканкавым афармленні. Пасярэдзіне тканіны маецца патаўшчэнне, як бы паказваючы, што дадзеная тканіна трохкаляровая (бел-чырвона-белая). Унізе ад герба адлюстраваны па цэнтры (дакладней ледзь правей) намінал манеты "1 TALER". Паміж гербам праходзіць выява трохкаляровага (бел-чырвона-белага) сцяга. Злева пад чырвонай паласой сцяга размешчана дата "19.IX.1991" - прыняцце закона пра назву Рэспублікі, уводзінах герба "Пагоня" і бел-чырвона-белага сцяга.

Рэверс манеты:
Схематычная карта Рэспублікі Беларусь і адзін з сымвалаў Беларусі - бусел. На пярэднім плане коннік ВКЛ са сцягам, дзе адлюстраваны крыж, за спіной якога адлюстраваны сучасны сімвал - "Вароты Менска". Злева ўнізе адлюстравана дата "2018" - год чаканкі манеты, "mkb" - пазначэнне серыі "Мая краiна Беларусь" унізе справа па крузе, “_w_” – стылізаваны подпіс аўтара (унізе пад правым будынкам варот), уверсе злева па крузе адлюстравана надпіс на беларускай мове "ЖЫВЕ БЕЛАРУСЬ!". Пад надпісам адлюстраваны бусел.
Дата выпуску: студзень 2018.
Памер: 25*2мм.
Гурт: рубчасты.
Матэрыял: латунь.
Тыраж: 100 асобнікаў.
Перавыпуск: выключана.
Не з'яўляецца аплатным сродкам.
Рэверс манеты "Жыве Беларусь" - агульны для ўсіх выпускаў серыі МКБ.