❤️ Віншуем усіх з днём роднай мовы, галоўным для нас святам!

І адразу некалькі прыемнасцей у гэты ўрачысты дзень:
1. Карпарацыя NVIDIA ўзяла нашы галасы ды натрэніравала распазнаванне беларускага маўлення! І з гэтай нагоды мы:
- дадалі дэманстрацыю таго, як яно працуе, на галоўную старонку donar.by;
- зрабілі аўтаматычную праверку пры агучванні сказаў! Праверым, ці справіцца камп'ютар з вашым вымаўленнем ;)?

2. Адзін беларускі праграміст зрабіў сінтэз голасу нашага самага актыўнага донара беларускай мовы.
Прымусіць яго казаць тое, што вы пажадаеце, ужо можна на галоўнай старонцы donar.by.

Акрамя таго, усе гэтыя тэхналогіі з адкрытым зыходным кодам, і гэта значыць, што яны свабодныя для спампоўкі і выкарыстання!

І ўсяго гэтага не было б, калі б вы так актыўна не дзяліліся сваімі галасамі!

🌟 Чакаем у новым годзе яшчэ больш добрых навінаў!