Коміксы па-беларуску comicsby

"Нешта забівае дзяцей" 8 выпуск

Мінуў усяго тыдзень, а на нашым сайце ўжо даступны новы выпуск легендарнага комікса ў перакладзе cvbcmcs https://t.me/c/1897207100/341

Marvel абвясцілі маёвую лінейку Ultimate Universe на 2025 год

Marvel прадставілі навінкі Ultimate Universe на май 2025 года, і галоўная падзея — афіцыйны дэбют Рычарда Паркера як новага Чалавека-Павука пад наглядам бацькі, Пітэра Паркера. У Ultimate Spider-Man #17 яны ўпершыню змагаюцца разам супраць Злавеснай Шасцёркі.

У Ultimate Wolverine #5 з’явіцца новы Ultimate Саблезуб, а ў Ultimates #12 каманда, магчыма, распадзецца. Таксама Ultimate X-Men #15 абяцае “новую эпоху” для мутантаў.

Marvel анансуюць і новыя тытулы Ultimate Universe, але пакуль без падрабязнасцяў.

"Ты мой сэрцаразбівальны купідон" - першы пераклад фанфік-комікса на нашым сайце. Прысвячаецца ўсім закаханым.❤️❤️❤️

У свеце, дзе людзям у іх сардэчных справах дапамагаюць купідоны, не ўсе з гэтых анёлаў кахання аб’ядноўваюць сэрцы. Дапамагаць людзям расстацца – таксама важная, хай і няўдзячная справа. Але што калі праз вэрхал у нябеснай канцылярыі такому купідону-сэрцаразбівальніку давядзецца вучыць чалавека кахаць?

Сцэнарый і малюнак - Ayzachan (https://bsky.app/profile/ayzachan.bsky.social/post/3lagkda5v3d2n)

Пераклад - Yinwille (дэбют у якасці перакладчыцы коміксаў).

Першыя 5 частак ужо даступны на нашым сайце comicsby.live

One World Under Doom

АДЗІНЫ СВЕТ ПАД УЛАДАЙ ДУМА!

Шэсць месяцаў таму доктар Віктар фон Дум стаў Вярхоўным Чараўніком — а потым знік за зачыненай граніцай Латверыі. Для большасці людзей яго адсутнасць не была прыярытэтам, і некаторыя нават успрынялі гэта як дабраславенне. Але толькі нямногія разумелі, што насамрэч гэта было толькі зацішша перад бурай.

І вось гэтая бура ўжо прыйшла. Свет прачнуўся ў новай рэальнасці: доктар Дум, Вярхоўны Чараўнік Зямлі, з дапамогай магіі захапіў усе сродкі масавай інфармацыі на планеце і абвясціў сябе Імператарам Свету — кіраўніком новай Аб’яднанай Латверыі! І што яшчэ больш шакуючае і неверагоднае — усе сусветныя лідары, здаецца, згадзіліся з гэтым.

Але, на шчасце, што б гэта ні было — кантроль свядомасці ці Думботы — гэта не закранула герояў Зямлі. Таму яны хутка фарміруюць ударную групу, каб спыніць Думавыя планы. Але ці атрымаецца ў іх?

Чытайце "Дзень новых коміксаў" на patreon.com/comicsby бясплатна.

Marvel рыхтуе нечаканыя ўваскрашэнні: Гвен Стэйсі і таямнічы блізкі чалавек Джын Грэй

Marvel абяцае парушыць усе межы, вяртаючы герояў, што лічыліся недатыкальнымі. Кампанія намякнула на магчымы камбэк Гвен Стэйсі, чыя магіла паказаная на новым тызеры. Гвен загінула ў 1973 годзе ад рук Зялёнага Гобліна, і хоць яе неаднаразова спрабавалі вярнуць праз клоны і альтэрнатыўныя сусветы, арыгінальная версія заставалася мёртвай.

Яшчэ адна загадка — “даўно страчаны каханы чалавек” для Джын Грэй, якога анансавалі ў Phoenix #11. Магчыма, гаворка пра Энні Рычардсан, дзяцінную сяброўку Джын, чыя смерць стала каталізатарам яе псіхічных здольнасцяў.

Што стаіць за гэтымі ўваскрашэннямі? Marvel абяцае раскрыць больш падрабязнасцяў ужо хутка.

Здарыўся цуд! Не, гэта вы - цудоўныя! Збор атрымалася паспяхова завяршыць, а значыць комікс "Дзяўчынка і вожык разам да смерці" будзе надрукаваны!

Тыя, хто хоча далучыцца ў астатні момант, каб атрымаць свой экзэмпляр, могуць зрабіць гэта ў наступныя 90 хвілін!

1234... А лепей - 4... 3... 2... 1... пуск.
4 гадзіны да канца збора!

Праз 40 гадоў Marvel вяртаюць серыю з назвай "Vision and Scarlet Witch"

Тым, хто сочыць за супергероямі толькі па серыялах, магло паказацца, што саюз Віжна і Пунцовай ведзьмы зусім новы сюжэт. Але гэта не так. Выдавецтва ажаніла іх у далёкім 1975 годзе, і цяпер, каб адсвяткаваць іх залаты юбілей, вяртаюць тытул, прысвечаны пары, у выглядзе міні-серыі з пяці выпускаў.

Сцэнарыст - Сціў Арланда, каманда мастакоў Ларэнца Тамета і Якопа Каманьі, што працавалі ў астатніх коміксах пра Ведзьму. Першы выпуск выйдзе 21 мая.

А тым часам, збор на выданне комікс "Дзяўчынка і вожык разам да смерці" ўсё яшчэ працягваецца, хоць і засталося не так шмат часу.

Ці даведаецеся, што здарылася з дзяўчынкай, яе сёстрамі і вожыкам, стане зразумела ў наступныя 48 гадзін - столькі засталося да канца кампаніі на kickstarter.

Каб падтрымаць праект, дастаткова націснуць "Back this project".

"Затанна: разарваць залу"
4 выпуск з пяці

Ці можа Затанна давяраць свайму старому каханаму, Джону Канстанціну?

Пасля сутыкнення з дэманамі, чараўнікамі і... трусікамі — о, Божа! — усё, чаго сапраўды хоча Затанна, гэта некуды дзецца падалей ад уласнага жыцця. І сярод наспяваючай вайны паміж, здаецца, усімі магічнымі фракцыямі, раптоўнае з’яўленне яе старога каханага Джона Канстанціна можа стаць тым самым знікненнем, якога яна так адчайна прагне...

Ужо даступны на comicsby.live

The Lucky Devils #1

Гэты комікс - як дамова з дэманам: пачынаеш чытаць з цікаўнасці, а потым ўцягваешся і ўжо не адарвешся! Тут ёсць усё: інтрыгі, саркастычныя дэманы і людзі, якія відавочна не чыталі дробны шрыфт у кантракце.

Сюжэт зацягвае. Пацешна назіраць за небаракамі, якія настолькі добрыя, што з-за гэтага дэманы не могуць атрымаць павышэнне. І цікава, чым жа такіх дабракоў могуць спакусіць два брыдкіх зласлівых чорта.

Малюнак - агонь, у прамым і пераносным сэнсе. Калі хочаце трохі д'ябальскай весялосці без рызыкі для душы - бярыце, не пашкадуеце!

Скотт Снайдэр: Джокер у "Абсалютным Бэтмэне" будзе самым брутальным

На Арланда Камікон, які зараз праходзіць у Амерыцы, Скотт Снайдар расказаў, што ініцыятыва All in - гэта крок па вяртанню супергерояў у коміксы і чытачоў - да чытання. Што гэта спосаб адзначыць крутасць DC. І што восенню гэтага года мы будзем у шоку ад маштабнасці гэтай ініцыятывы.

На конт яго комікса "Абсалютны Бэтмэн" ён расказаў, што ў 5-м выпуску упершыню з'явіцца бэт-сігнал і яго прызначэнне будзе такім жа сімвалічным, як у арыгінальнай гісторыі, але паслужыць іншым мэтам. У 6-м выпуску мы ўпершыню ўбычым абсалютны варыянт Бэйна, а Джокер з'явіцца толькі ў 13-14 выпусках, і ён будзе самай брутальнай версіяй Джокера за ўсю гісторыю персанажа.

Відаць, Скотт Снайдэр на ўсе 100 упэўнены, што ён вярнуўся ў DC надоўга, а ініцыятыва All in пад яго поўным кантролем.

Тым часам, на нашым сайце comicsby.live ужо зараз можна азнаёміццца з першым выпускам "Абсалютнага Бэтмэна".